Lion (2016)

பாலு மகேந்திரா நூலகத்தின் இவ்வாரத் திரையிடல் மற்றும் கலந்துரையாடலுக்காகத் தேர்வு செய்யப்பட்டுள்ள திரைப்படம் “Lion”.
லயன் என்பது 2016 ஆம் ஆண்டு வெளியான ஆங்கில,ஹிந்தி மற்றும் பெங்காலி மொழியில் உருவான அவுஸ்ரேலிய நாட்டு வாழ்க்கை வரலாற்று நாடகத் திரைப்படமாகும். இந்த திரைப்படமானது 2013 ஆம் ஆண்டு சரூ பிரைர்லியின் “A Long Way Home” என்ற வாழ்க்கை வரலாற்று நூலைத் தழுவி லூக் டேவிஸ் எழுதிய திரைக்கதையிலிருந்து காரத் டேவிஸ் இனால் இயக்கப்பட்டது. இந்தியாவில் உள்ள தனது குடும்பத்திலிருந்து பிரிந்து 25 ஆண்டுகளுக்குப் பிறகு பிரைர்லி அவர்களைக் கண்டுபிடிக்க எப்படிப் புறப்படுகிறார் என்ற உண்மைக் கதையை இது சொல்கிறது. இத்திரைப்படமானது ஆஸ்திரேலியா மற்றும் இங்கிலாந்தின் கூட்டு தயாரிப்பு ஆகும்.

பிரதி சனிக்கிழமை தோறும் மாலை 4 மணிமுதல் 8 மணிவரை, முதலாம் மாடி, கூட்டுறவு மண்டபம், பேருந்து தரிப்பிடச் சந்தி, கிளிநொச்சியில் அமைந்துள்ள பாலு மகேந்திரா நூலகத்தில் திரைப்படத் திரையிடல் மற்றும் கலந்துரையாடல் நடைபெறும்.

இந்த திரையிடல்களின் போது, பெரும்பாலும் சர்வதேசத் திரைப்படங்கள் மற்றும் ஈழத்துத் திரைப்படங்கள் திரையிடப்பட்டு கலந்துரையாடப்படும்.

அத்துடன், பிரத்தியேக திரையிடல்களின் போது, அத்திரைப்படத்தில் பணிபுரிந்த கலைஞர்கள் அல்லது தொழில்நுட்ப கலைஞர்களுடனான கலந்துரையாடல்களும் இடம்பெறும்.

அதேநேரம், இதுவரையில் பொது வெளியில் வெளியிடப்படாத திரைப்படங்கள் திரையிடப்படும் சந்தர்ப்பங்களில், தயாரிப்பாளர் அனுமதித்தால் மாத்திரமே இணைய வழிக் கலந்துரையாடல் திறந்துவிடப்படும்.

இத்திரையிடல்களில் அதிகப்படியாக 25 நபர்கள் மட்டுமே பங்குபற்ற முடியும் என்பதால் உங்கள் வருகைகளை முற்பதிவு செய்வது அவசியம். அத்துடன், இணைய வாயிலாக இக்கலந்துரையாடல்களில் கலந்து கொள்ள விரும்புபவர்கள், முற்கூட்டியே எம்முடன் தொடர்புகளை மேற்கொள்ளவும்.

பார்ப்போம் - உரையாடுவோம் - கற்போம்
இவ்வண்ணம்
பாலு மகேந்திரா நூலக நிர்வாகம்
25.05.2022