Balu Mahendra Library | பாலு மகேந்திரா நூலகம்

வாராந்தத் திரையிடல்

October 02, 2021
01:00 PM - 03:00 PM
கிளிநொச்சி

கலந்து கொண்டவர்கள் 0

Shoplifters

பாலு மகேந்திரா நூலகத்தின் இவ்வாரத் திரையிடல் மற்றும் கலந்துரையாடலுக்காகத் தேர்வு செய்யப்பட்டுள்ள திரைப்படம் “Shoplifters”.

Shoplifters என்பது ஹிரோகாசு கோரே-எடா (Hirokazu Kore-eda) இயக்கிய ஜப்பானிய நாடகத் திரைப்படமாகும்.

இது கேன்ஸ் திரைப்பட விழாவில் 2018 ஆம் ஆண்டு திரையிடப்பட்டதுடன், அங்கு தங்கப்பனை விருதையும் வென்றது. அத்துடன் இத் திரைப்படம் ஒஸ்கார் மற்றும் கோல்டன் குளோப்ஸில் சிறந்த வெளிநாட்டு மொழித் திரைப்படமாக பரிந்துரைக்கப்பட்டது.

கொவிட்-19 நிலைமையைக் கருத்தில் கொண்டு பாலு மகேந்திரா நூலகத்தின் ஒரு வருட முழுநேர முதுநிலைக் கற்கைநெறியினைத் தொடரும் மாணவர்களுக்கு மாத்திரமே இவ்வாரத் திரையிடலில் பங்குபற்றுவதற்கான OTT(Netflix) வசதி செய்து கொடுக்கப்பட்டுள்ளது.

கொவிட்-19 இடர்காலம் முடியும் வரை எம்மிடம் உள்ள OTT தளங்களில் காணப்படும் திரைப்படங்களை மாத்திரமே திரையிடத் தீர்மானித்துள்ளோம்.

பிரதி சனிக்கிழமை தோறும் மாலை 3 மணிமுதல் மாலை 7 மணிவரை, முதலாம் மாடி, கூட்டுறவு மண்டபம், பேருந்து தரிப்பிடச் சந்தி, கிளிநொச்சியில் அமைந்துள்ள பாலு மகேந்திரா நூலகத்தில் திரைப்படத் திரையிடல் மற்றும் கலந்துரையாடல் நடைபெற்று வருகின்றமை நீங்கள் அறிந்ததே. கொவிட்-19 இடர்காலம் முடிந்ததும் மீண்டும் வழமைபோல் திரையிடல்கள் எமது நூலகத்தில் இடம்பெறும்.

பார்ப்போம் - உரையாடுவோம் - கற்போம்

இவ்வண்ணம்
பாலு மகேந்திரா நூலக நிர்வாகம்
30.09.2021

Shoplifters

தொடர்புடைய நிகழ்வு