Balu Mahendra Library | பாலு மகேந்திரா நூலகம்

வாராந்தத் திரையிடல்

April 03, 2021
01:00 PM - 05:00 PM
கிளிநொச்சி

கலந்து கொண்டவர்கள் 0

Papusza

பாலு மகேந்திரா நூலகத்தின் இவ்வாரத் திரையிடல் மற்றும் கலந்துரையாடலுக்காகத் தேர்வு செய்யப்பட்டுள்ள திரைப்படம் “Papusza” [14].

போலந்துத் திரைப்பட இயக்குனர்களான ஜோனா கோஸ்-க்ராஸ் மற்றும் க்ரிஸ்டோஃப் க்ராஸ் (Joanna Kos-Krauze & Krzysztof Krauz) ஆகியோரின் இயக்கத்தில் 2013 ஆம் ஆண்டு வெளியான திரைப்படம் Papusza ஆகும்.

பப்புஸ்ஸா (Papusza) என்று அழைக்கப்படும் ரோமானிய கவிஞர் ப்ரோனிசாவா வாஜ்ஸ் (Bronislawa Wajs) அவர்களின் வாழ்க்கை வரலாற்றைப் பேசும் திரைப்படம் இதுவாகும்.

பிரதி சனிக்கிழமை தோறும் மாலை 3 மணிமுதல் மாலை 7 மணிவரை, முதலாம் மாடி, கூட்டுறவு மண்டபம், பேருந்து தரிப்பிடச் சந்தி, கிளிநொச்சியில் அமைந்துள்ள பாலு மகேந்திரா நூலகத்தில் திரைப்படத்திரையிடல் மற்றும் கலந்துரையாடல் நடைபெற்றுவருகின்றது.

இந்த திரையிடல்களின் போது, பெரும்பாலும் சர்வதேசத் திரைப்படங்கள் மற்றும் ஈழத்துத் திரைப்படங்கள் திரையிடப்பட்டு கலந்துரையாடப்படும்.

அத்துடன், பிரத்தியேக திரையிடல்களின் போது, அத்திரைப்படத்தில் பணிபுரிந்த கலைஞர்கள் அல்லது தொழில்நுட்ப கலைஞர்களுடனான கலந்துரையாடல்களும் இடம்பெறும்.

அதேநேரம், இதுவரையில் பொது வெளியில் வெளியிடப்படாத திரைப்படங்கள் திரையிடப்படும் சந்தர்ப்பங்களில், தயாரிப்பாளர் அனுமதித்தால் மாத்திரமே இணைய வழிக் கலந்துரையாடல் திறந்துவிடப்படும்.

இத்திரையிடல்களில் அதிகப்படியாக 25 நபர்கள் மட்டுமே பங்குபற்ற முடியும் என்பதால் உங்கள் வருகைகளை முற்பதிவு செய்வது அவசியம். அத்துடன், இணைய வாயிலாக இக்கலந்துரையாடல்களில் கலந்து கொள்ள விரும்புபவர்கள், முற்கூட்டியே எம்முடன் தொடர்புகளை மேற்கொள்ளவும்.

பார்ப்போம் - உரையாடுவோம் - கற்போம்

இவ்வண்ணம்

பாலு மகேந்திரா நூலக நிர்வாகம்

Papusza

தொடர்புடைய நிகழ்வு