சினம்கொள்

பாலு மகேந்திரா நூலகத்தின் இவ்வாரத் திரையிடல் மற்றும் கலந்துரையாடலுக்காகத் தேர்வு செய்யப்பட்டுள்ள திரைப்படம் “சினம்கொள்” [13].


புலம்பெயர் ஈழத்துத் தமிழ் இயக்குனர் ரஞ்சித் ஜோசப் இயக்கத்தில் 2020 ஆம் ஆண் வெளியான ஈழத்து முழு நீளத்திரைப்படம் சினம்கொள்.


ஈழ விடுதலைப் போராளியான அமுதன், போராட்டம் முடிவடைந்ததன் பின்னர், புனர்வாழ்வு முகாமில் இருந்து விடுதலையாகும் முன்னாள் போராளி அமுதன், தன் குடும்பத்துடன் மீளச் சேர்வதுடன், கடத்தல் கும்பலொன்றால் கடத்தப்படும் ஒரு பெண்ணை அவர்களிடமிருந்து பாதுகாப்பதே இந்தத் திரைப்படத்தின் கதையாகும்.


ஈழத்தின் வடபகுதியில் உள்ள பிரதேசங்களில் படமாக்கப்பட்ட இந்தத்திரைப்படம், ஈழ மக்களின் வாழ்வியலை எடுத்துக்காட்டுவதாய் அமைந்திருக்கின்றமையைக் காணலாம்.


பிரதி சனிக்கிழமை தோறும் மாலை 3 மணிமுதல் மாலை 7 மணிவரை, முதலாம் மாடி, கூட்டுறவு மண்டபம், பேருந்து தரிப்பிடச் சந்தி, கிளிநொச்சியில் அமைந்துள்ள பாலு மகேந்திரா நூலகத்தில் திரைப்படத்திரையிடல் மற்றும் கலந்துரையாடல் நடைபெற்றுவருகின்றது.


இந்த திரையிடல்களின் போது, பெரும்பாலும் சர்வதேசத் திரைப்படங்கள் மற்றும் ஈழத்துத் திரைப்படங்கள் திரையிடப்பட்டு கலந்துரையாடப்படும்.


அத்துடன், பிரத்தியேக திரையிடல்களின் போது, அத்திரைப்படத்தில் பணிபுரிந்த கலைஞர்கள் அல்லது தொழில்நுட்ப கலைஞர்களுடனான கலந்துரையாடல்களும் இடம்பெறும்.


அதேநேரம், இதுவரையில் பொது வெளியில் வெளியிடப்படாத திரைப்படங்கள் திரையிடப்படும் சந்தர்ப்பங்களில், தயாரிப்பாளர் அனுமதித்தால் மாத்திரமே இணைய வழிக் கலந்துரையாடல் திறந்துவிடப்படும்.


இத்திரையிடல்களில் அதிகப்படியாக 25 நபர்கள் மட்டுமே பங்குபற்ற முடியும் என்பதால் உங்கள் வருகைகளை முற்பதிவு செய்வது அவசியம். அத்துடன், இணைய வாயிலாக இக்கலந்துரையாடல்களில் கலந்து கொள்ள விரும்புபவர்கள், முற்கூட்டியே எம்முடன் தொடர்புகளை மேற்கொள்ளவும்.


பார்ப்போம் - உரையாடுவோம் - கற்போம்


இவ்வண்ணம்


பாலு மகேந்திரா நூலக நிர்வாகம்